Samkiel pasintjare, la Ekzamena Centro de UEA jam planas la sekvontjarajn ekzamendatojn. Temas pri KER-ekzamenoj (laŭ la Komuna Eŭropa Referenckadro) – por akiro de internacia atestilo pri Esperanto.
La ekzamenoj ĉefe okazos rete, krom la eventualaj ĉeestaj ekzamenoj dum grandegaj E-eventoj, kiel la 110-a Universala Kongreso en Brno.
Rimarko: bedaŭrinde la KER-ekzamenoj ankoraŭ ne estas ellaboritaj por nevidantoj.
Se vi jam nun interesiĝas, ĉar pensadis/as pri KER-ekzamenoj, bonvolu plenigi la enketilon ĝis la 5-a de januaro. Ĝi estas nur enketilo pri KER-ekzamenoj en 2025, por ke la organizantoj sciu pri la preferoj de potencialaj kandidatoj rilate la nivelojn (B1, B2, C1 kaj C2) kaj tempon de la ekzameno. La enketilo ne estas aliĝilo!
https://docs.google.com/forms/d/e/1FAIpQLSeSqwhIIbueoUZZCBL8Az8Y80y6ui6SfaL6kmT-TWMU6RygTw/viewform
