La sekva, 13-a kongreso de kroataj esperantistoj, okazos en Slavonski brod (Kroatio) inter la 16-a kaj 18-a de majo 2025. Ĝi estas nacia kongreso de kroataj esperantistoj, sed kun internacia karaktero.
La ĉiujara kongreso de kroataj esperantistoj enhavas oficialan laboran, kulturan kaj turisman programon.
En la labora parto kutime okazas jarkunveno de Kroata Esperanto-Ligo kaj diskutoj pri la stato de Esperanto en Kroatio kaj kiel progresigi ĝin.
En la kultura parto okazas koncertoj, projekcioj, prelegoj, ekspozicioj, libroprezentoj ktp.
La turisma parto kutime okazas dum ekskurso al plej konataj lokaj aŭ regionaj vidindaĵoj.
La supra foto montras la grupon de partoprenantoj de la 12-a kongreso, okazinta en Prvić Luka en 2024.
La subaj fotoj montras la kongresejon en Slavonski brod kaj unu el la ekskursoceloj, Jankovac.
Por pliaj informoj kaj foto-albumoj bonvolu viziti la subajn ligilojn:
https://novo.dec-kroatio.hr/eo/kongres-hrvatskih-esperantista-2025/
https://eventaservo.org/e/9bf0e1
