La 21-an de decembro 2024, esperantistoj el Beogrado ariĝis en la hotelo “Palaso” por kunumi kaj festi Zamenhof-tagon. En ĝuiga kaj neformala etoso estis salutita Živanko Novakov, ricevinto de konkurs-premio por la traduko de la poemo “Prosta istorija” de la aŭtoro Velimir Živojinović Masuka. Post la legado de la originalo kaj la premiita traduko, Ljiljana Sekelj informis la partoprenantojn, ke ŝi deziras donaci la tradukon de la libro “Na Drini ćuprija” al la biblioteko en Višegrad, kaj petis la estraron de SEL pripensi eblecon organizi ekskurson tien. La realigon de la ideo oni konfidis al la sekcio pri socia vivo. Oni atendas baldaŭan planon por la ekskurso.
Tijana UGARKOVIĆ
